• تم تحويل المنتديات للتصفح فقط

إعـــــــلان

تقليص
لا يوجد إعلان حتى الآن.

مدونه خاصه لقصائد ابوسلطان

تقليص
X
تقليص
 
  • الصفحة لـ 8
  • تصفية - فلترة
  • الوقت
  • عرض
إلغاء تحديد الكل
مشاركات جديدة
السابق 1 2 3 4 5 6 7 8 template التالي
  • #16
    قلبي نساك ولا ذكرتك دقيقه
    ناسيك لي عام ن ويقفاه ثاني

    مشاعري نحوك حقيقه رقيقه
    حرمت فيك الفكر حتى ثواني

    حرمت فكري والمراد الحقيقه
    حقيقتك يامن بسهمه رماني

    انا اعترف بالفعل جتني الشقيقه
    والحال يشكي هم باقي زماني


    ‏يامن سجد وجهي لوجهك ولازال
    يجني ثمار السجده اللي سجدها

    انا بوجهك من عنى الوقت لا مال
    وشر النفوس المبغضات وحسدها

    تعليق

    • #17
      عيني تشوفك رغم بعدك عن العين
      وانته بقلبي دوم لو كنت غايب

      ماني بناشدكم عن الدار هي وين
      في خاطري يازين حنا قرايب

      يا من خذيت القلب ماهو ترى دين
      هذا هديه دام حنا حبايب

      هو مجلسك في ماضي الوقت والحين
      ومن حبكم والله ماني بتايب


      ‏يامن سجد وجهي لوجهك ولازال
      يجني ثمار السجده اللي سجدها

      انا بوجهك من عنى الوقت لا مال
      وشر النفوس المبغضات وحسدها

      تعليق

      • #18

        من لا يودك يا محمد علامه
        قلبه تولى عنك والوجه به شاح

        مدري زعل يقطع عليكم سلامه
        والا تضايق منك ماهو بمرتاح

        لا تلحقه لو راح ذرة ملامه
        تلقى الموده لو يكن ودهم باح

        قله فمان الله ومع السلامه
        لاتلتفت له لو تحسف ولك صاح

        الوقت بين الناس مكثر ظلامه
        مظلم ويبغى النور من بارق ن لاح

        بعض البشر معسول حتى كلامه
        والبعض منهم دوم يشكي ونواح


        ‏يامن سجد وجهي لوجهك ولازال
        يجني ثمار السجده اللي سجدها

        انا بوجهك من عنى الوقت لا مال
        وشر النفوس المبغضات وحسدها

        تعليق

        • #19
          لا تسلم عليه ما نبي لك سلام
          ابرك الوقت ذلفت حظرتك عننا

          مانلومك حقيقه مالحكم ملام
          لا تقولون يوم البعظكم واشبنا

          مانحب الحقيقه من يحب الظلام
          قم ياساكن فوادي من يديك اسقنا

          انت ماغيرك اللي يحسن احلى الكلام
          اسألك بالله الواحد تعال القنا


          ‏يامن سجد وجهي لوجهك ولازال
          يجني ثمار السجده اللي سجدها

          انا بوجهك من عنى الوقت لا مال
          وشر النفوس المبغضات وحسدها

          تعليق

          • #20
            قلت يالله كل ما همي بدالي
            واستجرت بخالقي من كل همي

            كل همي كيف ابا ربي عيالي
            احترق في هالزمن يالربع دمي

            بالغلا والحب انا قدمت مالي
            واحمد الله كل ما نرجوه تمي

            بالثنى والشكر لله دوم تالي
            شكر ربي والثنى منطوق فمي


            ‏يامن سجد وجهي لوجهك ولازال
            يجني ثمار السجده اللي سجدها

            انا بوجهك من عنى الوقت لا مال
            وشر النفوس المبغضات وحسدها

            تعليق

            • #21
              يالله ترزقني من الخير يالله
              يالواحد اللي بيده الرزق كله

              انا غني من فضل ربي ولولاه
              كان الفقر هاجم بسيفه يسله

              رباه من لي غيرك الدوم رباه
              تستر وتغفر دق ذنبي وجله

              الحمد لله كل صبحي وممساه
              في ستره الضافي ورزق يهله


              ‏يامن سجد وجهي لوجهك ولازال
              يجني ثمار السجده اللي سجدها

              انا بوجهك من عنى الوقت لا مال
              وشر النفوس المبغضات وحسدها

              تعليق

              • #22
                تعال اجلس وهات العلوم الجزال وقول
                وانا بستمع وانصت واحلل سواليفك

                وودي بهرجك يالغلا ينسكب معسول
                انا اشفى لشوفك وانتعش لا لفى طيفك

                سواليفكم بلسم لقلب الوفا المعلول
                ولا من وصلتك جد لاتبخل ابضيفك

                انا ماني القلبك وفكرك ترى مجهول
                انا رمحك الخارق وانا بالفعل سيفك


                ‏يامن سجد وجهي لوجهك ولازال
                يجني ثمار السجده اللي سجدها

                انا بوجهك من عنى الوقت لا مال
                وشر النفوس المبغضات وحسدها

                تعليق

                • #23
                  جلست وحدي في ظلام ن بلا نور
                  وشفت النجوم السابحات المطله

                  وانا بزينتها في الارض مبهور
                  اشوفها تبدي على الكون كله

                  اسامر نجوم السما كنت مسرور
                  والهم راح وكن من جاء وشله

                  ولحظه يطل النور لي من ورى السور
                  هذا القمر ياناس في زين حله

                  اشبهه بالوصف وحده من الحور
                  الوصف واحد فيه دقه وجله

                  نسيت نجمات السما كنت مسحور
                  هذا القمر وانا خليله وخله

                  نسيتكم عفوا وانا الحين مجبور
                  اسامر اللي جاء لقلبي وحله


                  ‏يامن سجد وجهي لوجهك ولازال
                  يجني ثمار السجده اللي سجدها

                  انا بوجهك من عنى الوقت لا مال
                  وشر النفوس المبغضات وحسدها

                  تعليق

                  • #24
                    ياحبي الاول علامك تغيرت
                    مشيت في ركب الذي قاطعوني

                    انا حقيقه فيك والله تحيرت
                    رجحت فيك اليوم بعض الضنوني

                    لو كان قلبي ما هواكم تخيرت
                    الناس واجد مير ما يعجبوني

                    لوقلت مالي فالبشر ثم سيرت
                    لقيتني ارسم وتبكي عيوني


                    ‏يامن سجد وجهي لوجهك ولازال
                    يجني ثمار السجده اللي سجدها

                    انا بوجهك من عنى الوقت لا مال
                    وشر النفوس المبغضات وحسدها

                    تعليق

                    • #25
                      الله على بعض البشر وين ماراح
                      ما غير اطبوعه ولا قال كافي

                      ان قلت له عالباب بالمدح صداح
                      وقربت له مركاه بيقول وافي

                      وان شاف برادي على النار فواح
                      وشاف فوق النار خير المصافي

                      والتمر حاظر والسمن كان سواح
                      يقول مامثلك يعنك سنافي

                      تهللت حجانه وبارقه لاح
                      ورعده رعد فالبر وعلى المشافي

                      يغتاب خلق الله معي دوم نواح
                      ويمشي معي والقلب ماهو بصافي

                      اذا لقا غيري تعذر ولا صاح
                      يقول عنده موعد وجاه لافي

                      وان غبت عذربني وعلمه لنا فاح
                      يشذب عراقيبي وما زاد خافي

                      يالله عساه الدوم يبعد وينزاح
                      قربه سموم وعج رمضا وسافي


                      ‏يامن سجد وجهي لوجهك ولازال
                      يجني ثمار السجده اللي سجدها

                      انا بوجهك من عنى الوقت لا مال
                      وشر النفوس المبغضات وحسدها

                      تعليق

                      • #26
                        ابتدي صفحه جديده في هواك
                        واعلن انك دون خلق الله هواي

                        ودي اروي بالغلا باقي ظماك
                        وارتوي من شوفتك لنك ظماي

                        كيف يوصلك حقيقه من بغاك
                        يارجاي بدنيتي وايضا مناي

                        مايداوي جرحي الغاير سواك
                        والله انك دون خلق الله دواي

                        كيف ماترحم محب في رجاك
                        وانت وحدك دونهم باقي رجاي


                        ‏يامن سجد وجهي لوجهك ولازال
                        يجني ثمار السجده اللي سجدها

                        انا بوجهك من عنى الوقت لا مال
                        وشر النفوس المبغضات وحسدها

                        تعليق

                        • #27
                          الا ياوجودي يوم حظي قعد ماقام
                          ولا لي مع المحبوب حليه اسولف له

                          حقيقه بتوجعني وبنسى ولا الاوهام
                          وانا فيك متوهم بحبك على قبله

                          ابي اعرف اسرارك وتتعبني الاحلام
                          وياليت خلي يوم اشوفه ابهرج له

                          لوتشرط عليه شرط اجي مشي بالاقدام
                          ابمشي على شانك وحلمي ابوصل له

                          ياخلي خلاص العمر يفنى وانا منظام
                          وبعدك حبيب القلب عني ابي حله

                          لو تزرع دروبك شوك والا جبال الغام
                          ماهي عايق اوصل لك وحاجزك ابا تله

                          انا اشقيت في شعري على شانك الاقلام
                          وفيكم كتبت الشعر دقه على جله

                          سألت الخلايق عنك ماجتني الاعلام
                          اخذتك خليل ومثلنا ما نسى خله


                          ‏يامن سجد وجهي لوجهك ولازال
                          يجني ثمار السجده اللي سجدها

                          انا بوجهك من عنى الوقت لا مال
                          وشر النفوس المبغضات وحسدها

                          تعليق

                          • #28
                            الا يازمن فرقت بيني وبين الناس
                            وخليتني وحدي بلا احباب في حيره

                            انا خوفي ان الصبر ينفذ وانا حساس
                            وبعد الصبر اروح من ديره ال ديره

                            انا عوذ بك ياربي الله من الوسواس
                            وانا اعوذ بك من سو الافكار والسيره

                            انا عشت طول العمر والله رفيع الراس
                            واذا ماخدمني الحظ قلنا عسى خيره

                            انا منشغل ماني بجالس مع الجلاس
                            اهوجس بمن يشغلك ياقلب ويثيره


                            ‏يامن سجد وجهي لوجهك ولازال
                            يجني ثمار السجده اللي سجدها

                            انا بوجهك من عنى الوقت لا مال
                            وشر النفوس المبغضات وحسدها

                            تعليق

                            • #29
                              يا صباح الخير يالحب البعيد
                              اقترب مني عسى الله يسعدك

                              شوفتك يا خل لي عيد سعيد
                              وانت جنبي غير والله مبعدك

                              كل يوم اقول احبك ثم اعيد
                              عل صويتي ياصلك في مقعدك

                              المنى ترجع لخلك ثم تعيد
                              لي بعض حبك وانا لك ووعدك


                              ‏يامن سجد وجهي لوجهك ولازال
                              يجني ثمار السجده اللي سجدها

                              انا بوجهك من عنى الوقت لا مال
                              وشر النفوس المبغضات وحسدها

                              تعليق

                              • #30
                                ياهيه كيف الحال بعد الولف ماغاب
                                الولف بيحته ولا لي فيه مقسوم

                                اقول مخفي الحب عنا وانت لعاب
                                والا انت بعت الحب مرتاح بلاهموم

                                ترى المصيبه من يقول وكان كذاب
                                اللي كذب فالحب بين الناس مذموم

                                يازين من يصدق ويدخل لك مع الباب
                                ويقول انا من حبكم يازين محروم


                                ‏يامن سجد وجهي لوجهك ولازال
                                يجني ثمار السجده اللي سجدها

                                انا بوجهك من عنى الوقت لا مال
                                وشر النفوس المبغضات وحسدها

                                تعليق

                                السابق 1 2 3 4 5 6 7 8 template التالي
                                يعمل...
                                X