• تم تحويل المنتديات للتصفح فقط

إعـــــــلان

تقليص
لا يوجد إعلان حتى الآن.

مدونه خاصه لقصائد ابوسلطان

تقليص
X
تقليص
 
  • الصفحة لـ 8
  • تصفية - فلترة
  • الوقت
  • عرض
إلغاء تحديد الكل
مشاركات جديدة
السابق 1 2 3 4 5 6 7 8 template التالي
  • #61

    يالله ياللي تعلم الخافي بقلبي يا كريم
    حقق لي اللي تعلمه والناس ماتدري عنه

    انت العليم بخافقي وانت الإله اللي رحيم
    ارحم محمد ياعليم بخافي(ن)كم له سنه

    انا طلبت الله رب الكون والرب العظيم
    اللي يحقق ماخفى والغير ما حقق زنه

    تعلم بخافينا وغيرك ما درى وانت العليم
    الله ربي والله الرازق وانا خيري منه


    ‏يامن سجد وجهي لوجهك ولازال
    يجني ثمار السجده اللي سجدها

    انا بوجهك من عنى الوقت لا مال
    وشر النفوس المبغضات وحسدها

    تعليق

    • #62
      يالله عسى الدنيا تعدي على خير
      وان مر والرحمان راضي علينا

      يالله تزين فوقها خطوة السير
      نمشي بعدل ولا نجي ما يلينا

      كم واحد توقف به الرجل وتحير
      يالله في عونك اذا ما بلينا

      اوعوذ بك يالله من خطوة الزير
      واعوذ بك من قولنا لو تلينا

      النفس اماره وتحتاج تحرير
      وتحتاج لجم احيان لامن خلينا

      يارب عفوك مالنا قول تبرير
      ورحمتك عند اوقوفنا ما ثلينا


      ‏يامن سجد وجهي لوجهك ولازال
      يجني ثمار السجده اللي سجدها

      انا بوجهك من عنى الوقت لا مال
      وشر النفوس المبغضات وحسدها

      تعليق

      • #63
        انساك كلمه ما تقال
        لانك اعز من العيون

        انساك طبعا ذا محال
        غيبتك يالغالي جنون

        ازهمك يالغالي تعال
        ياسيد العشق الحنون

        اسأل وهذا لك سؤال
        هل باقي بقلبك ظنون

        انا على خبرك وسال
        الطير عني ما اخون


        ‏يامن سجد وجهي لوجهك ولازال
        يجني ثمار السجده اللي سجدها

        انا بوجهك من عنى الوقت لا مال
        وشر النفوس المبغضات وحسدها

        تعليق

        • #64
          ما كنت اظن انك تغادر وتقفي
          ماتلتفت فيني وانا دوم مغليك

          فرقاك اظنه يالهوى جاب حتفي
          ارجع لمن يغليك حظرت معاليك

          مافيه شي عنك والله مخفي
          يا ناسين خلك وش اللي مسليك

          ياقلبي اصبر وابتعد عنه يكفي
          وش لون ماتنساه وهوه مخليك


          ‏يامن سجد وجهي لوجهك ولازال
          يجني ثمار السجده اللي سجدها

          انا بوجهك من عنى الوقت لا مال
          وشر النفوس المبغضات وحسدها

          تعليق

          • #65
            ضاع الغرام اللي تعبنا ندوره
            وشلون انا بلقاه في زحمت الناس

            في كل ليله في منامي اسامره
            وان كان جاني الحلم مرات لاباس

            فرقاه مايدري ان قلبي مدمره
            وانا بنومي فاقد الولف محتاس

            قربه لقلبي والله انه يعمره
            قربه يداوي القلب من جور وسواس


            ‏يامن سجد وجهي لوجهك ولازال
            يجني ثمار السجده اللي سجدها

            انا بوجهك من عنى الوقت لا مال
            وشر النفوس المبغضات وحسدها

            تعليق

            • #66
              ياباني البيت جود ساس مبناك
              لا تبني البيت يالطيب بلا ساس

              يوم انت تبني كذا يافلان وش جاك
              هذا من الناس والا جاك وسواس

              انته على الدرب ماشي غير شكاك
              غويت دربك بظن وسرت منحاس

              شكك سبب علتك والشك بكاك
              زايد على الشك والظنات هوجاس

              الله منعم عليك وزاد واعطاك
              لكن تشكك وقلنا اشرب من الكاس

              ان كان بالحب جاك افلان واهداك
              جد بالغلا دايم وقدره على الراس


              ‏يامن سجد وجهي لوجهك ولازال
              يجني ثمار السجده اللي سجدها

              انا بوجهك من عنى الوقت لا مال
              وشر النفوس المبغضات وحسدها

              تعليق

              • #67
                مسكين من سل السيوف الصقيله
                والكف يرجف خوف والكف عايب

                من كان ذا حاله نقول واحليله
                موجود لكنه عن الفعل غايب

                ان كان باقي لي معادي نجيله
                وان جيت له بلقاه يبكي وتايب

                الخير عند الكفو دايم نخيله
                والشر عند اهله وراعيه خايب


                ‏يامن سجد وجهي لوجهك ولازال
                يجني ثمار السجده اللي سجدها

                انا بوجهك من عنى الوقت لا مال
                وشر النفوس المبغضات وحسدها

                تعليق

                • #68
                  ايامي اللي مضت فيها السعد والألم
                  اذكر من الآمها اللي يستجد الوجع

                  القلب من بعض ماجاني ترى ماسلم
                  وان قلت راح الألم لما اتذكر رجع

                  وان جاني الذكر والاجابو النا علم
                  من طيب الذكر جرحي فالحقيقه هجع

                  وكل الكلام الجميل يشيل ظيم الظلم
                  اللي يسلي ويشفي الروح خير السجع


                  ‏يامن سجد وجهي لوجهك ولازال
                  يجني ثمار السجده اللي سجدها

                  انا بوجهك من عنى الوقت لا مال
                  وشر النفوس المبغضات وحسدها

                  تعليق

                  • #69
                    احن لك ياشين يازين الوصوف
                    ياشين ياللي بالجفا فارقتني

                    ما جاتني كل الاماني عالشفوف
                    بالبعد ياشين العمل حاربتني

                    خابرك لي ياشين يالشارد ولوف
                    واقول يكفي منك لو عاتبتني

                    اكتب بيتوتي فيك واختار الحروف
                    واحب فيك ايام كم والفتني

                    الله يزينها معك كل الظروف
                    وتعود لي وانصت اذا خاطبتني

                    واسرح معك في كل لفظ وكل شوف
                    واضحك اذا هرجك حلو لاطفتني

                    الله يزينها معك واحنا وقوف
                    اقول ليتك بالوفا صافحتني


                    ‏يامن سجد وجهي لوجهك ولازال
                    يجني ثمار السجده اللي سجدها

                    انا بوجهك من عنى الوقت لا مال
                    وشر النفوس المبغضات وحسدها

                    تعليق

                    • #70
                      هون علينا الحزن لفراق خلك
                      ياقلب فكري دايم مرتبط فيك

                      انصحك ياقلبي على الهون خلك
                      ادعي إله الكون ربي يعافيك

                      اظن وسواس المحبه دخل لك
                      واللي بعدها قلت ماهو بخافيك

                      العشق بعد الصد قل وش عمل لك
                      اظلم بباقي العمر واثر بصافيك


                      ‏يامن سجد وجهي لوجهك ولازال
                      يجني ثمار السجده اللي سجدها

                      انا بوجهك من عنى الوقت لا مال
                      وشر النفوس المبغضات وحسدها

                      تعليق

                      • #71
                        ماعاد لي خطوه تجي يم بيتك
                        هونت اسير للذي ما يجيني

                        لو كنت في بالي وانا مانسيتك
                        حرام مامرك ولذبح حنيني

                        انا اعترف للخلق باني هويتك
                        والناس تعرف بالغلا من سنيني

                        انا احسب اني فالحقيقه قريتك
                        لكن صحاني عليكم انيني

                        والله لو في يوم صدفه لقيتك
                        مانظر لكم لو كان يقطع وتيني

                        ياما على روس الخلايق نخيتك
                        وقفيت عني فعلكم بي مشيني

                        ياما كتبت ابيات فيها رجيتك
                        بانت علومك يا الوعد ماتبيني

                        لو كنت صادق كان والله فديتك
                        لكن وينك قول واقول ويني


                        ‏يامن سجد وجهي لوجهك ولازال
                        يجني ثمار السجده اللي سجدها

                        انا بوجهك من عنى الوقت لا مال
                        وشر النفوس المبغضات وحسدها

                        تعليق

                        • #72







                          -

                          مساءاتكم نقاء


                          أبا سلطان

                          صح نبضك -

                          لمدونتك الشعرية
                          سرد بلغة الشمس
                          يشع بالبلاغة ومضة
                          ومضة -

                          لله درك
                          ولنا دررك-


                          عاطر التحايا
                          @جاهله@




                          هو بقبيلة، يرفع رأسة للسماء فيهطل
                          المطر -وتجري السيول ..
                          في عينيِة أجد كل التاريخ والأشعار والوتر







                          @جاهله@

                          تعليق

                          • #73
                            المشاركة الأصلية بواسطة نوال الشمراني مشاهدة المشاركة







                            -

                            مساءاتكم نقاء


                            أبا سلطان

                            صح نبضك -

                            لمدونتك الشعرية
                            سرد بلغة الشمس
                            يشع بالبلاغة ومضة
                            ومضة -

                            لله درك
                            ولنا دررك-


                            عاطر التحايا
                            @جاهله@
                            مساء الفل والياسمين

                            نوال

                            صح الله بدنك

                            وشكرا لك من

                            القلب

                            على هذا الاطراء

                            العذب

                            الذي يفوح

                            باجمل عود

                            عطر هذه المدونه

                            اجمل شعاع شع هو طلتك لي
                            والاجمل انك اول الناس لي طل

                            مرة اخرى

                            شكرا لك من القلب


                            ‏يامن سجد وجهي لوجهك ولازال
                            يجني ثمار السجده اللي سجدها

                            انا بوجهك من عنى الوقت لا مال
                            وشر النفوس المبغضات وحسدها

                            تعليق

                            • #74
                              الله يوفق كل منصف من الناس
                              وخاين الذمه عسى الله يجازيه

                              بقلمي


                              ‏يامن سجد وجهي لوجهك ولازال
                              يجني ثمار السجده اللي سجدها

                              انا بوجهك من عنى الوقت لا مال
                              وشر النفوس المبغضات وحسدها

                              تعليق

                              • #75
                                الا ياسراب اعيش في عالم الاوهام
                                ولا هي حقيقه شوفتك يوم قدامي

                                لذلك رفضت اعيش في عالم الاحلام
                                ولا اخوض باقي العمر في عالم اوهامي

                                انا ارهقت نفسي فالحقيقه مع الاقدام
                                ولاني ملاقي ربع من عالم احلامي

                                ولاني من اصحاب الدراهم ولا الاعلام
                                وهذي ترها تختصر حلمي السامي

                                تعبت اطرد احلامي وانا دايم مقدام
                                وهونت بعد اوجاع وافراق وآلامي

                                وقلت استريح اللي بقالي من الايام
                                عسى الله يزين مابقى لي من ايامي


                                ‏يامن سجد وجهي لوجهك ولازال
                                يجني ثمار السجده اللي سجدها

                                انا بوجهك من عنى الوقت لا مال
                                وشر النفوس المبغضات وحسدها

                                تعليق

                                السابق 1 2 3 4 5 6 7 8 template التالي
                                يعمل...
                                X