إعـــــــلان

**عذبة الأنفآس** · Sep-08-2014, 02:07 PM

مدري عشقتك دون صوره ولا صوت
وش حال لو شفتك وصوتك سمعتـه

احلم بشوفك شوفتي لك ترى قـوت
والقلب عن غيـرك وشوفـي منعتـه

همسك على قلبي كما نكهة التـوت
فيني الغلا والشـوق بيـدك زرعتـه

**عذبة الأنفآس** · Sep-08-2014, 02:09 PM

لاتنـــطح الجـــــاهل ولاتـطرد الذال
..............، وأحذر هـذور السالفه لانقلــها

ودور بفعلك مع هل الطـــيب منزاال
..............، واليـا جفتك الدار دور بدلــــها

وإْن جيـت في مجلس خصومات وجـدال
..............، أحذر حماقات النفـوس وزعلها

خلك على الصـــامت ولو عال من عـال
..............، وان شـاوروك فكلمــت الحـق قلها

وإن حدتك بقعاء من الجـال لـ الجــال
..............، مايرتكي لـ حمــولها الا جمــلها

**الشرقاوي** · Sep-08-2014, 11:30 PM

صاحبي لآغبت لآتشره علي
انت من علمني آسلوب الغيآب

ابتليت و جيت مثلي مبتلي
و استوينا ، بَالخطايا والعتآب"

**الشرقاوي** · Sep-08-2014, 11:39 PM

لا جيت ابكتب فيك شعر (وقصيده )
القى الكلام العذب من داخلي ضاع

وتبي كلام الحق ماهي (جديـــده )
وصفك يخربط بالعقل كل الاوضاع

**الشرقاوي** · Sep-08-2014, 11:46 PM

استطيع امنع لساني لا يقـــــول
و استطيع امنع عيوني لا تـــــرى

و أستطيع أمنع يديني لا تـــنول
و أمنـع أذني عن سوالـيف الورى

لكن المشكل أنا وش لون أحول
دون فــكري لو خيالي به سرى

**الشرقاوي** · Sep-08-2014, 11:54 PM

ياطول غيبتك لو الحب تحتاجه
ابطيت ادورك والله يالغضي جابك
سهم المحبه ذبحني كيف مخراجه
بلاك سهم المحبه مابعد صابك
والقلب حتى بحوره تكره امواجه
وشبك تغلى وروح الحب تحيابك
لكن تبقى حبيب القلب وسراجه
ياشوق كل القصايد مهجة احبابك
وتبقى لمحبوب قلبك ضحكة إحجاجه
حتى لو إنك عليه تزود غيابك
حبك بقلبي عظيم وشيد ابراجه
تذكر من العام سويته وسوابك
لاتحرج القلب دامك تكره إحراجه
وشلون تحرجه دام الحب يزهابك
الله وأكبر عيون الحب ثجاجه
تبكي عليك وتعاتب لمحة أهدابك
ماتدري انك مثل قلبي وديباجه
والحب من عادته ياقف على اعتابك
وماتدري انك طبيب القلب وعلاجه
كم لي وانا احسب حساب الحب وحسابك
احميك ياصاحبي من كل هراجه
وافديك وافدي عيونك وافدي ثيابك
الحب يحلف لي انك راسه وتاجه
حتى لو إنك بوجهه تغلق ابوابك
قلي متى تسمح ضروفك ونتواجه
واقول أحبك وأسطرها على كتابك
من قبل لا اودعك بطلبك في حاجه
أسكن بساتين قلبك وأقطف أعنابك

**الشرقاوي** · Sep-08-2014, 11:57 PM

قالت احـبـك قلت يابنت من وين
درس وزمان الكذب بيـن مشافة
الحـب مايأتـي بلى نظـرة العين
وقلبــي يحـب الي كساها لطـافة
خلك بحـد الشعـر يابنت تكـفـين
مامر وقت حيث نصبــح توحافة
ماني طفل هاليـوم كـلمة تقوليـن
وانا ترا ماحــب وضــع سـخـافة
انا رجـل عاقل ولا عفـت للزيـن
بس العقل عنــدي كبيـــر لحـافة
خذنا سواء بالشعـر والوجه كفين
ايضا بطرح الفكـر صرنا خرافة
باب يخص اشياء بالشين والزين
وباب يخص القلب وعيــن لهـافة
بالله اهل وعرف من شاف اثنين
صارو حـبايب بيـن بعـد ومسافة
للشعــر ميـزان وللحــــب بابيـن
وهـذي عقـلها بين دمــج وشفافة

**الشرقاوي** · Sep-09-2014, 12:06 AM

بالعـيـن نظــرة ود والفـــم منسوج
ذوقة على رمـش العـيـون يتخـمـر
والوجه لون الورد بالعطر ممزوج
لونـة علـى حـلـو الخــدود يتحـمـر
والزين جمرة نار والزين مرجوج
لبسة عـلى جـسـم الردوف يتـذمـر
والشعروضعة غيرباللوان مدجوج
نثـره مـثل ريـش الطـيـور يتـأمـر
تكويـن طبعه سر بالحسن معـروج
وصفـه كما شكل الـنجـوم يـتـقـمـر
الحيـن قلـبي جـد بالعشق مهجـوج
عشقـه شكاء ظلـم الـظروف يتدمر

**الشرقاوي** · Sep-09-2014, 12:14 AM

الله يجازي مـن يسـوي سواتـك
وبذنوب من سوى سواتك يجازيـك

مشيت درب الثقـل وتحـب ذاتـك
ماتـدري انـه للمهالـك يـوديـك

غـرك جمالـك ياخسـارة حلاتك
ماتدري ان ماغير طبعـك يحليـك

بتقـول زينـك يشفـع لسيـآتـك
الحسن ماهو عن وفا الحب يعفيـك

لو التواضع والوفـا مـن سماتـك
بعت الحبايب كلهم ديـن واشريـك

لكـن عجـزت اغيـرك ياجراتـك
على الغياب اللي بلا عـذر ينجيـك

خطاي في توضيح وشـي غلاتـك
وخطاك في توضيح وشـو تغليـك

وشلون توصيني وتنسـا وصاتـك
وتصد عن صوت (ن) تقطـع يناديـك

مافاتـك التجريـح والعـذر فاتـك
وتبغي رضاي الحين ماعـاد يمديـك

صحيح احبك بـس هـاذي جزاتـك
بعلمـك درس يفيـدك ويحيـيـك

تدري وش ابيض من خفوقك؟؟ عباتك
وتدري وش اللي غرني؟؟ نظرتي فيك

ادري بتستغـرب تصبـر وجاتـك
قصيدة (ن) مـن واحـد (ن) كـان يبغيـك

وتبغي تناظر وانت عايش مماتـك
شف وحدتك والناس تجلس حواليك

وتبغي تشوف اشجع رجل في حياتك!!!
شفني وانا مقفي على كثر ماغليـك

وتصبحون علي خير وسوف تكون هذه آخر مشاركة هذا العام وسوف اشارك بمشاركة واحدة فقط كل سنه عشان عدد مشاركاتي تتفق مع العام الهجري .
وفي امان الله

**بروق الماس** · Sep-09-2014, 04:44 PM

استكثرك وقتي علي وغدابك
عادة زماني كل ما طاب هوّن

ليت الذي ودّاك يازين جابك
تشوف عقبك كيف الايام سوّن

شرق مشيت وغرب وقتي مشى بك
والقلب ماله لايم فيك لو ون

عقب الهنا بك ذاق لوعة عذابك
تــلونت دنيــــاه .. ولا تـلون

طويتني طي الورق في كتابك
حتى معاليق الحشا لك تطون

اشتقت لايام الهوى في جنابك
يوم الشموع بليل الاحباب ضوّن

واشتقت اقول لهاتفك مرحبا بك
وأشتقت لغيوم الصحاري تكوّن

عوّد ترى داعي الهوى عند بابك
وارو القلوب اللي بعد ما تروّن

غنيت لك عمري ولا جا جوابك
وأسمي مع مجنون ليلي تدوّن

****

**بروق الماس** · Sep-10-2014, 02:53 PM

نشـتَـمُّ مــن ورد الـخـدود شـذاهـا
جـوريــةٌ فـــي شـرنـقـات صـبـاهـا
قد عاش محروم الشفا من علةٍ
من لم يذق شهد الشفا بشفاهـا
وغـدا البصيـر بدونهـا أعمـى إذا
لـم تــروِ رمــشَ عيـونِـه عينـاهـا
وكـأنـمـا فـــي لحـظـهـا أســطــورةٌ
خشعت لها الأطيار فـوق رباهـا
وهـي التـي فـي صوتـهـا ترنيـمـةٌ
يمتـد مـن نـبـع الحنـيـن صـداهـا
وهـــــي الـرقـيـقــة رقـــــةً ورديــــــةً
قطر الندى بالمسـك يرسـم فاهـا
أمـا إذا احتـدم الـمـدى فلتـحـذروا
يـا ويـلَ مـن يُلـقَـى بـنـار لظـاهـا

**الشرقاوي** · Sep-10-2014, 04:39 PM

من ونتك ونيت تسعين ونه

ياليتها لي وانت ما عاد ونيت

**مذهله..!** · Sep-10-2014, 05:11 PM

‏

مشاعري عذرها بـ ان الهوى عذري
.............و هواه لو اجحده في عيني مبيّن
يقول لي عاش من شافك وهو يدري
.................اغيب لا غاب وليا بين ، ابين

**الشرقاوي** · Sep-10-2014, 07:48 PM

ترى حبك بقلبي ياحبيبي والحشى مكنون
ولو لحظه قصيره مستحيل أقدر على فرقاك

حبيبي شف حياتي والسبايب حبك المجنون
تعال ارفق على قلبي عسى كل العمر يفداك

**الشرقاوي** · Sep-10-2014, 10:05 PM

أميرة الورد ليه الورد مفتونك
ليه بحياته يحاول يشبه ألوانك

كم من فراشة تمنت تلمس غصونك
والورد ياما تمنى يعيش بأغصانك

إذا ابتسمتي يذوب السكر بلونك
ويزور شهد الحياة قلوب خلانك

والليل يغفى ويصحى بس في عيونك
والصبح خدك ونور الشمس عنوانك

ما الوم كل العذارى لو يحسدونك
ما دام تضرب بك الأمثال عربانك

والناس دايم على الفطرة يحبونك
ومن كثر طيبك وعالي قدرك وشانك

يا غنوة الحب لي دايم يغنونك
كل القلوب بغلاها صاغت ألحانك

وأنا بودي أكون السعد في كونك
وأكون غنوة تغنى بس على شانك

إعـــــــلان

# ســجـــل حــضــورك بـأبيات من الشـــعـــر #

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق