من

القادم بحول الله




ابنسى الهم واحزاني/ابي ذيب الجروح ينام
تعالي:لك وطن ولهان/بين الصدر وايديني

وحشني:كل شيٍ فيك/عشته ماضي الايام
تعالي:ردي الفرحه/ونبض القلب واحييني

حنانك/لهفتك/ضحكك/حديثك.نظرة السلهام
جنونك/عشرتك/عشقك/سوالك دايما ويني

براءة قلبك/الِّي من عرفتك/جن فيني وهام
خصامك/غيرتك/والكلمه الِّي منك/ترويني

وبحت صوتك بلهفة شجن/ياعذبة الانغام
وشفقة قلبك الولهان/ واصرارك تشوفيني

الويل ويلي والظما سكبة الهيل
والجرح جرحي والقوايل تزمه

الويل ويل والروح والشعر والليل
ليل يخاف الصبح من زود ظلمه

والعمر عمري واهته عنها الويل
يوم يتحدى الداب وياخف سمه

يقطع ابو جد القلوب الهــابـيل
ذيك القلوب اللي تموت وتضمه

وعين لقت في داخله دمعة سهيل
غنت على كل الزوايا غلا امـــه

وروحين غنت في غلاته مواويــل
روح تبي تبعده وروح تــخــمـه

والنجم والبيداء وصفر المعامـيـل
وسوم البدو في داخلي لي مهمه

وذيك القوافي معطيتني التساهيل
لأجل يتبعثر في هوايه وألـــمه

ياليل عمري وغايتي والمقابـيــل
ودي اشوفه ساكن وسط قـــمــه

ودي افتخربـه لاطفح فيني الكيل
ودي يتحقق حلم قلبي وحلمه

وربي لا اشيل الحزن لو كان به سيل
واشيل جرحه عنه واشيل غمه

بس يذكر اني كنت له شعر ماقيـل
واني اخاف من الليالي تذمـه

هنيّــكم ياللي تنامون بالّليل
اكيد ما تطرى عليكم طواري

وانا من الأيام شفت الغرابيل
عفت المنام وصار ليلي نهاري

لولا الرجاء و اتني الّليالي المقابيل
والله ليجري لي من الهمّ جاري

وانا اشهد ان الهمّ سمّ الرجاجيل
يعمي العيون و يودع الجسم باري

الواجب انك لا تعديت الحـدود ..وطفتهـا

اقل حاجه تحترم نفسـك وتحشـم جيتـي

جوانبي الاخرى ترى للحين ما قد شفتهـا

فالافضل انك تتقي شري.. وتامـن سيتـي

كنت احسب انك فاهم لشخصيتي وانصفتها

اثرك الين اليوم ما انت فاهـم لشخصيتـي

اجل ..الاعيبك اذا ويـاي .. مـا خففتهـا

عقليتك****وشلون****ترقى****لمس تـوى****عقليتـي؟

يا هي كثير اشياء صارت منك ما استلطفتها

اقلها كذبك... وانا فـي عـز مصداقيتـي

واخطاء لا يمكن تطوف ..برغبتي طوفتهـا

حتى ابين لك مدى صدقـي وطيبـة نيتـي

يا خي انا كل المشاعر لجلـك استنزفتهـا

وانت فبرودك للاسف قتلـت رومانسيتـي

حتى احاسيسك عشاني مـا بعـد كلفتهـا

ما كنك انت اللي ورا تحطيمـك لنفسيتـي

اطالب بكامل حقوقي منك وانـت اجحفتهـا

تقول كني من( البدون)اطالـب بجنسيتـي

خليتني مصدوم فيك.. وهقوتـي اخلفتهـا

واصبحت فاقد شئ من طبعـي وتلقائيتـي

يعني ترى عفويتي من تحت راسك عفتهـا

مع اني واحد دوم احب اتعامـل بعفويتـي

لكني اتلفت العلاقـه ..مثـل مـا اتلفتهـا

ما دام انسانيتـك.. مـا هـي لانسانيتـي

ابشر وانا اللي دمعتي لليوم مـا كفكفتهـا

اني لاعلمك البكا واثبـت لـك استاذيتـي

واجعلك قصه من صميـم التجربـه الفتهـا

دفعت فيهـا كبريـاء احساسـي وحنيتـي

صدقني حاولت آتغاضى والعواقـب خفتهـا

لكني أخشى لو تطيح بناس مـن نوعيتـي

احساسها مرهف ولو حاولت واستهدفتهـا

ماني بساكت وانتبه من سخطي وسلبيتـي

افعالك اصلاً لامست شخصي وانا صرفتهـا

وشلون اصرفها اذا هي لامست قوميتـي؟

تستاهل انك تنجحد من ناس مـا شرفتهـا

وأول ترددت اجحدك.. والحيـن بامكانيتـي

ما دامك اتعديت وياي الحـدود ..وطفتهـا

غسلت يدي منـك.. واخليـت مسؤوليتـي

يابنت حدك لايغرك ميولي
أقبل بموتي كل لحظة ولا انهان
وكان الخطأ مني عذرتك وقولي
هاتي براهينك وأنا اجيب برهان
جرحك بقلبي لو كشفته يهولي
وش عاد لو يبعد من الخلق انسان
راسم بداياتي ونقطة وصولي
وماني من اللي لاوعد للوعد خان
ولانيب أغرد بين ذولي وذولي
ولانيب اتابع من سلك درب عميان
أوهام فكري في سمايا تجولي
مدري غلطت أو صاحبي كان غلطان
بكرامتي ودي لو يصير حولي
ومن دونها ماني على الود شفقان

يا اعذب حڪايه طلبتڪ لا تعاتبني . .
ما ڪنت أحسب الظروف أقوى وخليتڪ !




الوقت قاسي على ايامي وغابنّي . .
وعلى صعوبة ظروفي ( ما تناسيتڪ )




ڪن هالأحاسيس والأشواق تطلبني . .
ڪن مالها غير ( ليه أزريت وأبڪيتڪ ؟ )




يا اروع تفاصيل عمري بس جاوبني . .
وش ذنبه القلب لا من هام وأغليتڪ . ؟




ليه بحياتي شعور الياس يغلبني . . ؟
وليه إنت بالذات أغليتڪ وحبيتڪ . . ؟




لڪن****تأڪد****مع إن الوقت غالبني . .
غلاڪ محفوظ لو ما عدت هميتڪ ، !




الله يحفظڪ زمان الضيق ڪاسبني
لڪن تأڪد : قسم****بالله****حبيتڪ****، !

لمَّا نزلَ الشَّيبُ براسي وخطا **والعمرُ معَ الشَّبابِ ولَّي وخطا


أصبَحتُ بِسُمرِ سَمَرْقَندٍ وخَطا،** لا أفرقُ ما بينَ صوابٍ وخطا

يارياح الطيب هبي من نسيمك هبي
والنسيم العذب يبري علة الملتاعي



والحروف الي تلامس داخلي تنحبي
عارفً مدخال بوحي وأفتهم مطلاعي

لا باس ياللي شكا لي حر الاوجاعي ..
.........وأنا على الله مواجع قلبي أشكيها !
يا من سرا و انقضى ليله و هو واعي ..
.........ينثر دموعن ستار الليل يخفيها ..
لا تشرح أوضاعك و تنشد عن أوضاعي ..
.........الحال من بعضها عندك خبر فيها !
ليّاك تجزع ترا ما للجزع داعي ..!
.........اصبر على الحال لين الله يسويها ..
اصبر ترا الليل يظهر عقبه شعاعي ..
.........ومن كِتْبِ له خطوتن ملزوم يمشيها ..!
منته لحالك بدنيا الهم ملتاعي ..
.........كلن ترا عنده همومن يصاليها ..!
انهض .., جناح السعد مع كل مطلاعي ..
.........لا تقعد بديرتن جافيك راعيها ..!
ذيب الخلا ما ينام الليل لا جاعي ..
.........يجري ورا الرزق و عيونه مشقيها ..
دنياك هذي تراها شينة أطباعي ..
.........لو تضحك أيامها تبكي لياليها ..!
ناظرني أمشي لها بالدرب مطواعي ..
.........تقودني مع طريق الشوك و أتليها !!!

أحبك فوق هذا الحب كله أحبك غير كل الناس والله
دخيل الله ناظر كيف عيني تلم الشوق واجفوني تفله
عشانك بفتح القلب وتأكدمن اللي غير حبك يستحله
ومن أقصاي لين أدناي شفني انا كلي على بعضي أدلة
إذا قربت بالخطوات صوبي يفز كل عضو فيني من محله
كأني من مزونك أرض تزهروحبك يروي القلب ويبله
تطل وكل ما حولك تلاشى أشوف الناس في حضرتك قله
وكل دربٍ مشيته بك تعطركأن العطر من طيبك تهله
تصدق ماعرفت الحب قبلك ولا غيرك وصل قلبي وتله
سؤالك يا حبيبي : هل أحبك ؟!أكيد اللحين سهل انك تحله
"أحبك" حط هالكلمة ف بالك وحبك مستحيل اني أمله
أمانه كيف ماتدري بأني لجل حبك ابيع الكون كله

حبك بقلبي زاد عن حـب غيـرك
وحدك حبيبـي تستحلـه ويفـداك


ويفداك كل اللي تبي من عشيـرك
لو تطلبه عمره بعد قلبـه أعطـاك


تركت كل الناس واصبحت أسيرك
ولا ظن تهنـا لـي حياتـي بليـاك


إن غبت عني ساعـه الله يجيـرك
دايم خيالـي هايـمٍ فـي محيـاك


أشـواق قلبـي نبضهـا يستعيـرك
من واقع التفكيـر وأنعـم بذكـراك


وإذا التقت خطوة مسيري مسيـرك
قلت أه؟ ليت إخطاي ماتفرق إخطاك


أجادلك وأضحك معك وأستشيـرك
وأعيش لحظات الفرح يـوم لقيـاك


وأعاتبك فـي ماعـدا مـا يثيـرك
إلا عيونـي بالنـظـر ماتـعـداك


دايم حريص بمـا يريـح ظميـرك
وأعاملك يابعـد عمـري بمبـداك


وأنا بشر معرف نهايـة مصيـرك
اللي أعرفه بالحيـاه إنـي أهـواك

ابكتب كل حروف الشوق وابهديها لقمر كوني
............ابكتب لك وحشتيني مووت واعذرني علي قصوري
"ترى حبك تمكن بي وصار اغلى من عيوني
.....................ولاغيرك اخذ فكري غصب عني ولابشوري
غريبه كيف كلماتك تهدي ثورة شجوني
.............. ......ونظرة حب من عينك تهدم عالي قصوري
وهمسة شوق من فمك تفكك زمرة جنوني
......................وحتى انفاسك بقربي تراها اجمل عطوري
ومهما زادو العشاق ونادوني وحبوني
........................تاكد مافي احد منهم يقدر يملك شعوري

تــــدري وش اكثر شي حنيت لـه فــــيك
.... صوتك ليا من قلت لي كيف حالك
وتـــدري وش اللــــي من صفاتك يحلـيك****
...تواضعك للناس مع وسع بالك..****
وتدري وش اللي من عــــدووووك ينجيك
... شخصا اذا صلى وخلّص دعالك ..
وتدري وش اللـي من خفــوقي يناديــــك****
...حبي رغم بعدك وقل اتصالك..
ابـــــيك تفهــــمني عســى الله يخلــــــيك
... وش ذنب قلبً مايدور بدالك.
اشتاقلـــك وصّبر عــلى شـــان ماضـــيك
...وتحملك وسرح فعالم جمالك..****
(ولم لم) آهاااااااااااااتي و(تم تم وسميــك )
... ودعو عسى ربي يقرب وصالك
وضـــمك بعينــي وغمــض ودااااااريك
...وخشى عدوي لايطالع ضلالك..
وإذا زعلت.. ازعـــل وجيلك وراضيك
...وترضى على شان ان قلبي سعالك.****
بسسس انت آمرني وجاوبك لبيــــك
...في ذمتي لاجيب لك مابدالك
ادمنت حــــبك وحــــرمونـــي تعاطيـــك
...وادمنتني و آقول كلي حلالك

قال السراب وقلت ظامي لسرابه
قال الهلاك وقلت لعيون الاحباب

يا لايمي في حب مترف شبابه
الموت حق ولاتبرق بالاسباب

كانه ذبحني صاحبي من عذابه
ماابي لدمي يا هل اللوم طلاب

الجادل اللي فيه زين ومهابه
يفز له قلبٍ .. وتخضع له أرقاب

في حجر عينة لي غدير وسحابه
وفي وسط قلبي له تناهيت وعتاب

إن قلت أحبه يكفي القلب مابه
وان قلت أنا مابيه ..باصير كذاب

( اشتقت لـ/ أيآمْ الهوىّ فِي جنابكَ
يوم الشموعْ بـ ليل الأحبابْ ضون

واشتقتَ أقول لـ هاتفكَ مرحبا بكَ
واشتقتْ لـ غيوم الصحاري تكَون )

خالد الفيصل