محمد بن الحب مثل النوم والوصل الاحلام والشيين من الاحلام..صد المحبيين نوم ٍ طويل ٍ عمره اشهوور واعوام وان قمت ففهمها فرااق وسهر عين وانا رقدت وعمري اربع عشر عام وصحيت في شهر اربعه عام الالفين نوم ٍ ثقيل ٍ كله احلام واوهام ونصيبي من احلامه الجانب الشين صحّى الفراق اقلوب في عكسه نيام وغاب الفرح وانا بعكسه الى اللحين ياحزن كبدي حزن من ضاق ثم حام اخذت فروخه مادرى ليه ولوين بعد ما شاف العش عيدان وعظام خالي تفكر فووق ويسار ويمين خلا عشاها فيه ومن الوطى شام زبن على روحه وفل الجناحين وياوجد حالي وجد من نام ثم قام على صياح امه وهو دون رجلين عويق وامه تنعته والنعت سام وهو خابر انه يقسم الصف صفين حبا وصاح بصيحة ٍ تاصل الشام منها تقطّع في خفوقه شرايين على وليف ٍ قسم اظنوني اقسام واقفى وانا ما اعرف طرد المقفين راح وترك في صدري ووسووم واعلام وصى علي طيفه وقفى بقلبين ليته تعذّر كان ماهو بمّلام بعد ماشااف الدرب بيسير دربين اشوى عليه شوي..من عظ الابهام واشوى علي شوي..من دمعة البين تمشي بنا الاقدام والموت قدام وميعادنا يمفرق اثنين بعدين ياعين لا تبكين وعيونه تنام عادش الى ما خاب ظني بترضين لو الدموع اتفيد فادن الايتام ولو الكلام يفيد عادت فلسطين ولو النباات يطّلعه دمعة هيام شفتوا على وجهي ورود وبساتين الحب سجن..وبعد الاحباب الاعدام وقلوبنا السجّان مدري مساجين الحب نوم ٍ عمره اشهوور واعوام وان قمت ففهمها فرااق وسهر عين
محمد بن فطيس
التعديل الأخير تم بواسطة سعد بن معيض القرني; الساعة Nov-30-2016, 07:14 PM.
ياعين هلّي دمعتك فوق الأهداب
واروي ضما خدٍ ذبَجْه الجفافي
خلّي دموعك سيل عالخد ينساب
هلّي وهلّي لين أنا أقول كافي
تنْهَشْني الدنيا بنابٍ ومخلاب
وأضحك وأجِامل كن مابي خْلافي
يهون جرح القلب لاجا من أغراب
ويوجعك جرحٍ من رفيقٍ سْنَافي
خاويت أنا في دنيتي ربع وأصحاب
بعض خدعني حيل والبعض وافي
صاحب قليله فيه لاقلت كذّاب
وصاحب كتبته وسط قلبي مجافي
نادر ألاقي في حياتي لي أصحاب
يجون مثلك دون أي إختلافي
التعديل الأخير تم بواسطة سعد بن معيض القرني; الساعة Dec-06-2016, 11:14 PM.
أعد أنا حجار الطريق .. اللي يودي لبيتها ..
واعرفها زين ..
واعرفها زين ٍ وانا ..
لا شفتها ولا جيتها ..
قابلتها صدفه .. على شفاه الصحاب ..
همسة أمل حسيتها
ودمعة عذاب ..
وصارت هي الخبر الجديد ..
وعلومها همي الوحيد
وش عاد .. لو كانت بعيد ..
بين الحروف حبيتها ..حبيبتي .. يا حلم ..
ياللي أعرفك اسم ..
وجهٍ تصوره الحروف .. واتخيله ..
نجم ٍ احس انه قريب .. ما اوصله ..
انتي اللي اعرفه .. زين ..
واللي اجهله انتي ..
حبيبتي .. وياليتها ..
تعليق