ليله طويله وفيها قلت بسم الله
.............سبحان ربي وله حمدي وله شكري

يالله دخيلك من الامراض والعله
.... ........ .واعوذ بك يالذي خصيت له ذكري

انا بعونك إلآهي دوووم ع المله
..............احفظ جميع الحواس وفوقها فكري



بقلمي

صباااااااااحك خير وسرور بأذن الله

حبيب العازمي


ياطير يا طير ياطير السعد يـا للـي تـرف الجنـاح
................لا واهنيـك ليـا ضاقـت عليـك الأرض خليتـهـا
وإن رحت وإن جيت ياطير السعد تسبق هبوب الرياح
.............وأظن ما فيه ديره فـوق وجـه الأرض مـا جيتهـا
ما نته بمثلي تجي وتروح ما يصعب عليـك المـراح
.................لكـن ياليـت جنحانـك معـي ياطـيـر ياليتـهـا
كله على شان ازور اللي رمانـي بالعنـا واستـراح
...............اللـي علـى شانهـا الاقـدام عنتـنـي وعنيتـهـا
في ماض الأيام أشوفه قدم عيني فالمسـا والصبـاح
............واليوم حتى العلوم اللي تجينـي عنـه مـا أوحيتهـا
وليا نشدت العرب ما حدن يعلمني عنـه ويـن راح
.............وأتعبـت نفسـي وبالنشـدة كثيـر النـاس بذيتـهـا
لا ووجودي على شوفك ولو مره يا ظبـي البـراح
.............ياللي علـى شانـك العبـره علـى الخديـن هليتهـا
يا بو عيونٍ هدبهـا يـزرق العشـاق زرق الرمـاح
..............ذبحت روحي على كفـك برمـش العيـن واحييتهـا

حبيب العازمي


الايالعالـم المجهـول حدثنـي عـن المجهـول
............انا احس الحياه اسـرار والعالـم تعيـش ابهـا
انا اكتب فيك شعري واتسأل وانتـه المسئـول
...............عـن الفكـره وشاعرهـا وقاريهـا وكاتبهـا
تعبت اطرح سوالاتي وافكـر مالقيـت احلـول
............ماغير اطرح سوالاتي على نفسـي واجاوبهـا
لياقلت الخيال احلـى يامـر الواقـع المعقـول
.............اصدق نظرتي وارجـع الـي الواقـع واكذبهـا
تضاريس الحياه ارمال واجبال اووعر واسهول
...........سرحت ابها بامان وخفت يوم اني سريت ابهـا
مشيت امع الطريق اللى يبذ الرجل عرض وطول
.............طريقً شاب راسـي منـه وامثالـي مشيبهـا
طريقً فيه عز النفس يشهر سيفـه المسلـول
...........لوقال النفس ترضـى الـذل ماتـدرك مطالبهـا
ليامنك بغيـت العـز قـل للشامـخ الغرمـول
.............انا شم الجبال اللي علـى متنـك رقيـت ابهـا
وانا شاعر مشاعر والمشاعر ماعليهـا اقفـول
...............ليافاضت تسابـق ساعـة الوقـت وعقاربهـا
تمر اثقل من اللحظه على اللي ينتظر مرسـول
..............لكن اسبق من العبـرات يـوم انـك تحسبهـا
وقلت ارجوك يكفي لاتزيد الشرح شرح ايطـول
..............انا كل الامور اللـي تشيـر الهـا مجـر ابهـا
انا سباح بحرٍ فيه مـن هـول القيامـه هـول
..............سلاطيـن المعانـي فيـه مرسيـةً مراكبـهـا
بحر في عمقه الاهوال والفاعل مـن المفعـول
.............لياحصلت سلامه منه حض اللـي يفـوز ابهـا
بحر في عمقه اللؤلؤ على كف الصدف محمـول
...............تجارة رابحـه فالبحـر جابتنـي وجيـت ابهـا
سنين اجمع من اللؤلؤ واعد الحول بعد الحـول
...............وصفيتـه علـى يمنـاً بدهـن العـود اطيبهـا
ونظمته عقد في جيـداً وراه يسبـح المجـدول
.................وقدمـه مزنـةً غـرا وبـرقً فـي جوانبهـا
وفوقه بادياً مبدا القمـر مبـداً عليـه ايحـول
.........شعاع الشمس في يوم امس لحظه قبل مغربهـا
هذا وصفً تحلابـه عشيقـة عاشـقً مذهـو
..............ليعيش ابحبها وايهيـم فـالارض ويهيـم ابهـا
يجاذبني هواها وايتجاذبها شـرف واووصـول
.............شريفه فـي مذاهبهـا عريبـه فـي مناسبهـا
تسال العالم المجهول مثلـي والجـواب ايقـول
................لياجاوبتـك اول شـي بامكـانـك تجاوبـهـا
وانا اقول الله الباقي وغيره كـل شـي ايـزول
............هذا سلم الحياه اللي يعيش ابهـا يمـوت ابهـا

اضرب على الكايد ليا صرت بلشان
..............وعند الولي وصل الرشاء وانقطاعه


قصة شايب ومعزبته وهي عايشة معاه طول السنين
وتعرف حاله وامكانياته ولا تبي تحمله
اكثر مما يقدر عليه ومسايرته وهو شايب كبير في السن وهي كذلك كبيرة
هالشايب له ولد نشمي.. جاه الولد وقال يا يبه وش رايك لو نزوجك ؟
قال: والله الساعة المباركة.. اي والله يا ولدي، يا ولد السعد.. اي والله زوجني
قال الولد: ها ما به خلاف.. قام وخطب له ذيك البنت، وهم شغالين في ترتيب الزواج درت العجوز وتأكدت ان الشايب
بيعرس والله وتتغير عليها الأمور .. وقامت تمترح وماهي متأكدة ان الشايب بيعرس من جد لأنها خابره امكانياته متقاربه
وبياخذ له بنت
قالت العجوز لولدها : ياولدي انتوا بتزوجون الشايب؟
لا تزوجونه ماله لزوم.. الشايب ذا المفروض ما تزوجونه ..
العجوز ذي شاعرة وكذلك الشايب شاعر..
المهم قامت وسوت لها كم بيت في ذا الشايب تبغى تعلمه ان الامر صعب وتبين له
بعض العقبات اللي بتقابله وان رفيقته الاوليه قابله منه الميسور وراح تتغير عليه الامور



قالت العجوز:


جملنا جملنا باركن له ثلاث سنين
....................وهو ليّا جبنا له الحمل ما شلّه
ماغير القتب والمزودة وسطها مدين
...................وهو بارك عجزان عن شيلها لله
وذا اليوم جبتوا حملةٍ وزنها طنين
.................وذا الحمل يا الاجواد ما هو قد لّه
جيته وقلت بالهون بالهون يا مسكين
...............هذا الحمل يبغاله جمال تجهم(ن) لّه
ماهوب انت ياللي جايب فيدك من الصين
.................أنا اللي أعرفك زين يابارد(ن) دلّه


قام الشايب والظاهر عنده امكانيات..
لكن ذي العجوز واقفه في طريقه ومدقره له


الرد من الشايب:


جملكم ماهو مسكين يا جعلك السكين
................جملكم يبي ينقل زهاب العرب كلّه
وهو اللي نفع العرب في الزمان الشين
.................لكن الجمل في تاليه طاح في علّه
وقع في رحول طول سيقانها مترين
...................صخاف الجنوب ضلوعها كنها هلّه
وحتى الجمل من شوفها صار حاله شين
...............وهي السبب في طيحته جعلها العلّه
لها ذيل أجرد عمرها من ورا السبعين
...... وعز الله انها تمرض القلب وتعلّه
لكن جيبوا للجمل بكرةٍ عمرها عشرين
......... . .وتشوف الجمل يعطي كلش على حلّه
ليا عيّن الحمرا الردوم اشتغلها زين
....................وخله بعيد من أم شاصين منحلّه
اذا الله عطانا عمر وانتوا من الحييّن
...............تشوف الجمل لو حملوه طويق يشتلّه

اعاتب فالهوى روحي السجينه
..................لعلي اطلق اعنان المشاعر
نفوس العشق فالواقع حزينه
..................ولا يمكن يوصفها اي شاعر


بقلمي المتواضع

الا يامن تولع فيك قلبي
.................ولا لك حس ودموعي تهلي
انا اعطيتك بكل الود حبي
.............ولا من شفت حرفك قمت اهلي


بقلمي المتواضع

كتبت لكن ما تفيد الكتابه
..............اللي كتبنا له معه عدة اقلوب

يامن ملك له قلب كله رحابه
...............ومنطقه رايع مع فن وسلوب

ويحطم الواقع وكامل سرابه
..............ويعدل الحظ الذي كان مقلوب




بقلمي المتواضع

راح الهوى في هواه ومالنا حيله
....................راحت سنيني وانا اطرد يالله الخيره

اشوف غدر الحبيب وشفت له ميله
............................لك ن كلن يوقع له على طيره

وغيم المحبه تبعثر ما مشى سيله
.......................وجفت عيون المحبه وانطوى بيره




بقلمي المتواضع

المشاركة الأصلية بواسطة محمد مهدي ابراهيم مشاهدة المشاركة

راح الهوى في هواه ومالنا حيله
....................راحت سنيني وانا اطرد يالله الخيره

اشوف غدر الحبيب وشفت له ميله
............................لك ن كلن يوقع له على طيره

وغيم المحبه تبعثر ما مشى سيله
.......................وجفت عيون المحبه وانطوى بيره




بقلمي المتواضع

بمنتهي الجمااال ,,,

ولا اشهى من مساءات التوت

,,,,مساؤؤ توت بري شاعرنا الجميل

هذا من ذوقك
تحياتي لك

مساء الكرز
فراشة المنتدى
تحياتي وودي لك

جانا مطر فيه البرد حبات
...................ينزل على الارض يسقيها
بكره تزين الارض بالواحات
...................وكل الجبال الشم يكسيها




بقلمي